السلام عليكم ورحمة الله وبركاته........

انثر اليكم كلمات الترحاب........بمنتدى فيه تلتقي قلوب الاحباب
وعاوز اعرف ارئكم يادكاترة
هل توافق او توافقين بالارتباط بانسان او انسانة اقل منك او منكي في المستوى التعليمي ؟؟؟؟؟
ياريت الكل يشارك

انا شخصيا اه اوافق بس هيبقى صعب من حيث المجتمع والبيت وكده بس فيه ناس اقل مننا فى المستوى العلمى بس ممكن يكونوا بيحبونا اكتر من اللى زينا وعندهم القدره انهم يسعدونا بس للاسف معظم الحالات بتفشل ومبيقدروش يواجهوا الظروف ولا حتى يواجهوا نفسهم

اولا : الحب وحـــــده لا يكفي
ثانيا : لما نعيش مع حد اقل في المستوى العلمي والتفكير حياتنا كلها تفتكرو انو هيكون في كيميا بينا
ثالثا : الانسان اللي هو اقل منك في المستوى العلمي اكيد في يوم من الايام هيحس بالفرق ده واكيد هتحصل مشاكل بسبب الموضوع ده
رابعا : وانتي وخطيبك ماشيين في الشارع ...قابلتي دكتور كان بيدرسلك
قالك ازيك يادكتورة
انتي : الحمد لله يا استاذي
الدكتور : مين ده ؟
انتي : ده خطيبي
الدكتور : الف مبروك يادكتورة
انتي : الله يبارك في حضرتك
الدكتور : وياترى هو دكتور اتخرج من كليتنا ولا ايه بالظبط
انتي : هتــــــــــــــــقولي اييييييييييييييه؟؟؟؟؟؟؟؟؟؟؟؟؟؟؟؟؟

كان ليا استاذ ربنا يكرمه مره قالى كلمه قالى ان الواحد لو اتجوز حد اقل منه قالى ازاى هتقدميه للمجتمع وده بالظبط يا سمعه اللى انت قولته وربنا يكرمك لانى افتكرته ونويت ازوره ويارب يكون كويس لانه له فضل عليا كبير جدا

حكاية اني ارتبط بحد اقل مني في المستوي التعليمي دي صعبة جدا وتكاد تكون مستحيلة مش علشان ازاي اقدمه للناس .... لاء علشان طول العمر هيكون حاسس بانه اقل مني حتي لو انا محسستوش بكده في اقل موقف اول تفكير هيفكره واول حاجة هيقولها علشان انا اقل منك في المستوي انا شايفة انها صعبة بالنسبة لبنت لما ترتبط بواحد اقل منها في المستوي لكن الولد لما يرتبط ببنت اقل منه في المستوي معتقدشي ان دي فيها اي مشاكل

لا على فكره فى الحالتين بالذات لو الفرق كبير

لا امنيه بتتكلم صح

لو الراجل اعلى من الست ممكن المركب تمشي

انما لو العكس افتكر انها هتكون صعبة

صح يا عمر لكل قاعده شواذ واللع اعلم بالغيب ولو كانت قاعده مكنش حد غلب ولا كنا شفنا كمية الطلاق اللى بتحصل دلوقتى

ليه لا فى ناس كتير صحيح اقل فى المستوى التعليمى بس يمكن يكونوا مثقفين اكتر من ناس كتير مستواهم العلمى زيي
فطالما هوه انسان مثقف ليه لا