بســـــــــ الله الرحمن الرحيم ـــــــــم
قصيدة للشاعر الكبير أحمد فؤاد نجم
ممنوعة من النشر
شعر ..إهداء إلى شعب مصر

ياشعبي حبيبي ياروحي يابيبي ......ياحاطك في جيبي يابن الحلال
ياشعبي ياشاطر ياجابر خواطر...... ياساكن مقابر وصابر وعال
ياواكل سمومك يابايع هدومك...... ياحامل همومك وشايل جبال
ياشعبي اللي نايم وسارح وهايم ......وفي الفقر عايم وحاله ده حال
احبك محشش مفرفش مطنش.... ودايخ مدروخ واخر انسطال
احبك مكبر دماغك مخدر..... ممشي امورك كده باتكال
واحب اللي ينصب واحب اللي يكدب .....واحب اللي ينهب ويسرق تلال
واحب اللي شايف وعارف وخايف ......وبالع لسانه وكاتم ماقال
واحب اللي قافل عيونه المغفل .....واحب البهايم واحب البغال
واحب اللي راضي واحب اللي فاضي .....واحب اللي عايز يربي العيال
واحب اللي يائس واحب اللي بائس .....واحب اللي محبط وشايف محال
واحبك تسافر وتبعد تهاجر .....وتبعت فلوسك دولار او ريال
واحبك تطبل تهلل تهبل .....عشان مطش كوره وفيلم ومقال
واحبك تأيد تعضض تمجد....... توافق تنافق وتلحس نعال
تحضر نشادر تجمع كوادر..... تلمع تقمع تظبط مجال
لكن لو تفكر تخطط تقرر..... تشغلي مخك وتفتح جدال
وتبدأ تشاكل وتعمل مشاكل... وتنكش مسائل وتسأل سؤال
وعايز تنور وعايز تطور .......وتعمللي روحك مفرد رجال
ساعتها حجيبك لايمكن اسيبك ....وراح تبقى عبره وتصبح مثال
حبهدل جنابك وأذل اللي جابك .....وحيكون عذابك ده فوق الاحتمال
وامرمط سعادتك واهزأ سيادتك ....واخلي كرامتك في حالة هزال
وتلبس قضيه وتصبح رزيه....... وباقي حياتك تعيش في انعزال
حتقبل ححبك حترفض حلبك ....حتطلع حتنزل حجيبلك جمااااال
......
ألقاكم بعد
خروجى من المعتقل
ههههههههههه
..

ههههههههههههههههههههههههههههههههه

بصراحة الراجل ده رغم لسانه اللي عاوز قطعو بس انا بحب اوي اشعارو وبحفظ اجزاء من القصايد بتاعتو
اشــــــــــــــوفك بخير بعد ما تخلص المدة بتعتك يا اميجو

هههههههههههههههههههههههههههههههههههه
ماحنا ان شاااااااااء الله فى المعتقل مع بعض
انت نااااااااااااااااااااااااااااااااااااااااااااااااااااااااسى

ههههههههههههههههههههههههههههههههههههه

على رايك

هو الكلام ممكن يكون بيضحك بس الراجل ده كلامه رخم وكل الناس عنده وحشه وبيجوز كتير وارائه غريبه ربنا يهديه وبيكره انور السادات وانا بحبه جدا وعشان كده اتخنقت منه زياده

خير عشان اجيب لكم عيش وحلاوة مع بعض

هههههههههههههههههههههههههههههههههههههه
الله يخليك المساجين برده لبعضيها

هههههههههههههههههههههههههههههههههههههههههههههههههه