كلنا رحنا للصيدلى وقلنا له عايزين مسكن لوسمحت يا دكتور
او هات بربع جنية اسبرين
المواد دى اسمها المواد المسكنة للالم وفيها نوعين:
مواد مسكنة للالم ما بتنيمش زى الاسبرين""واحيانا ما بيسكنش كمان "" ما علينا
مواد مسكنة للالم بس بتنيم كمان زى المورفين الطبى
طيب منطقى جدا انى لما اجرب ماده مسكنة للالم على الفار لازم يكون عنده الم اصلا صح؟؟
ولو مش عنده الم..........تتوقعوا الدكاترة الرحماء هايعملوا ايه مع الفار ؟؟؟......هايسببوا له الم عشان نعرف تاثير الدوا
نبدا بالتجارب اللى بتجربها على المواد المسكنة اللى ما بتنيمش زى الاسبرين المشهور


اول تجربة
طبعا التجارب بتتعمل فى المعمل بس النهارده نقدر نسميه المعتقل
نحقن الفار الغلبان بمادة ملهبة""كده انا بعمله الالم الاول""
الحالة الطبيعية: تلاقى الفار بيتلوى من الالم ومن خلال التجارب بعد جرعة معينه من المادة الملهبة دى بنلاقى ان اجمد فار بيستحمل الماده دى وما يحصلوش حاجه الا بعد 20 دقيقة "" يعنى يستحمل 20 دقيقة وبعد كده يتلوى""
اما لما نديله المسكن او الاسبرين يستحمل الالم ولا يتلوى لفتره اكبر من 20 دقيقية
يبقى كده الماده اللى معايا بنسبة كبيرة مسكن وكل ما المسكن طول مده استحمال الفار للالم كان اقوى وتركيزه اعلى

تانى تجربة
ندخل الفار داخل صندوق ارضيته معدن ثم نبدأ بكهربه الارضية واحد واحده لغاية لما الفار يصوت اول ما يصوت
نحسب الفولت اللى خلاه يصوت وليكن 10 فولت
ام لما الفار ياخد الاسبرين او المسكن نلاقى الفار يجمد كدة وما يصوتش الا بعد فولت اعلى وليكن 15 فولت


تالت تجربة
التجربة دى بقى فيها كم من الرفق بالحيوان غير طبيعى
نجيب شنيور ونحفر سنان كلب ونحشر السنه حديد وبعدين نوصل الحديد بدايرة كهربية
ولما الكلب يفوق
نكهربه ونبدا نعلى الفولت لغاية لما الكلب يعترض
يا اما ينط او يعض وبصراحة عنده حق
عند النقطة دى نحسب الفولت اللى خلاه يعمل كده اد ايه اما بعد المسكن

نلاحظ ان الفولت اللى يخليه يعمل رد الفعل ده يعلى ""يعنى المسكن خلاه يستحمل الم الكهربا""
اول مرة قرات فيها التجارب اتاثرت جدا لان فيه حديث ""دخلت امراه النار فى هرة""او كما قال

بس لما تقارنى الالم ده للحيوان بانتاج دوا مسكن يمنع الم انسان اللى ممكن يكون طفل صغير او شيخ كبير

ممكن وجهة النظر تتغير شوية

تسلم ايدك يادكتورة...

شكرا د/ اسماعيل انت اول واحد يقرأ معظم المواضيع

اي خدمة....افتكرو الجمايل ديا

ولا يهمك مردوده ههههههه